 |
|
Es wird gemunkelt uff de Gass,
im Mai, ihr Leut, da duht sisch was,
da gehts am Rossmarkt widder los:
des Festival fer die Grie Soß!
Des freut aan, ja, des heert mer gern,
da komme Leut von nah un fern,
da wird gebechert, schnawwuliert,
da wern die Meisterköch gekürt.
Un des Brogramm? Noch kennt mers net,
vielleischt Gesang un Kabarett?
Vielleischt Theader, Zauberei?
Beschdimmt is Herr Le Goff debei.
Un ihr, ihr Kinner, wisst ihr was?
Fer euch, da gibts en Extraschbass.
Isch hoff, ihr seid dann auch debei.
Wenn ja, dann sieht mer sisch im Mai.
Geront Isegrim
